Verkefni vikunnar #3

Handavinnan mjakast aðeins áfram, við í handavinnuklúbbnum í bankanum fengum áskorun um að prjóna húfu,treyju og skokka fyrir góðgerðasamtök í Afríku fyrir nýbura frá einni samstarfskonu okkar, og ég hef aldrei prjónað svona litla flík áður, en þessum flíkum verður komið til skila í apríl til samtakana sem afhenda flíkurnar frá okkur og eru þónokkir samstarfsfélagar búnar að láta vita að þær ætli að vera með. 

Sjalið mjakast aðeins áfram, ég gleymdi að kaupa aðra hespu af svörtu í gær í FK þannig að ég þarf að bíða fram yfir helgi. 

Ég skipti um tölur á kaðlatreflinum og þetta er allt annað lúkk. 

Ég fór í gær í Ömmu Mús og keypti mér hörjafa, mig hefur alltaf langað til að sauma mér jóladúk á borðstofuborðið mitt, og þar sem ég fékk gjafabréf frá vinnufélögunum mínum ákvað ég að láta verða af þessu, ég var búin að fá munstrið af þessum dúk og litanúmerin og fékk ég alveg súper þjónustu í ÖmmuMús í gær við að velja réttan jafa og leit að réttu DMC númerum. 

s.s. þetta verður verkefnið - og set ég mér engin tímamörk á hvenær þetta verður klárað.

Þennan þarf að klára

Hann er búin að vera of lengi í vinnslu. 

Tækin notuð - góð í hjálpartækjum!

Þegar maður þarf að vera með puttann á munstrinu stöðugt, er gott að hafa svona APP við hendina, KnitCompanion, (prjónafélaginn) snilldin ein.

En ég er s.s að prjóna trefil frá Brooklyn Tweed, og nota Rowan garn sem ég keypti í vikunni á útsölu í Storkinum.

P.s Ég veit að mörg ykkar eru að kíkja hér inn, og gott þætti mér að fá smá kveðju frá ykkur, bara lítið "hæ"

 

Posted with Blogsy

Prjónað í belg og biðu

Ég er að prjóna þetta sjal, fann uppskrift á netinu http://www.ravelry.com/patterns/library/birch, sá það prjónað úr silki merino, en langaði ekki að prjóna úr því garni, þannig að ég er með alpaca/merino, gengur vel, en þarf að vera með gott ljós þar sem það er svart og auðvelt að ruglast í munstrinu.

Síðan er það peysan, hún er á síðustu umferðunum, við erum búin að hittast nokkrum sinnum, ég er stopp núna, og er að bíða eftir að kallað verður, en vegna aðstæðna hjá kennara þá þurfum við að hinkra aðeins, en það er lokakaflinn eftir.

 

Posted with Blogsy

Samprjón, með Storkinum

Ég ákvað að taka þátt í þessu verkefni og er byrjuð, á erminni, og það er farið faglega í verkið frá byrjun, prjónfestuprufa gerð, þá kom í ljós að ég þurfti að minnka prjónastærðina úr 5 í 4, og þó að ég sé aðeins byrjuð á erminni, þá er ég strax búin að læra trix, í stað þess að prjóna ermina í byrjun á 4 sokkaprjóna, þá eru notaðir 2 hringprjónar ( ekki prjóna tvær á einum prjóni) heldur er þannig að notaðir eru 2 hringprjónar, helmingur lykkjanna á öðrum, og síðan hinn helmingurinn á hinum, og síðan prjónað eins og þú sert með 2 prjóna, nema þetta er hringprjónn, og núna er ég búin að prjóna aðeins áleiðis þannig að ég er búin að svissa á einn prjón, en ég skal setja mynd af þessu þegar ég geri seinni ermina. Síðan er það að læra að lesa og fara eftir enskri uppskrift, og fá aðstoð við að skilja, og þá er gott að vera með litla bók meðferðis þannig að hægt sé að punkta hjá sér hvað sé verið að gera svo maður muni, þó að maður leggi verkið frá sér, og taki síðan aftur upp nokkrum dögum síðar, (hver man ekki eftir að vera að gera e.h. og muna ekki hvar maður er staddur í munstri, eða hvaða prjón er verið að nota) næst þegar verkið,er tekið upp aftur...http://youtu.be/RybPvCNfrT8

 

Uppfærsla 22.des

Bolurinn komin nokkuð áleiðis

SAMPRJÓNFyrir ykkur sem eruð ekki á Facebook þá fór í gang núna í fyrsta sinn hjá Storkinum svokallað SAMPRJÓN. Það lýsir sér þannig að ákveðin peysa, auðvitað falleg og vel hönnuð, er valin og þær sem vilja prjóna hana gera það í samfloti. Þá hittist hópurinn fyrst til að fara rétt af stað, gera prjónfestuprufu og lesa í gegnum uppskriftina. Svo hittumst við 3-4 sinnum á tímabilinu og leysum málin saman og veitum aðstoð ef þarf. Allar sem taka þá fá garnið í peysuna á 15% afslætti.Það er ekki of seint að slást í hópinn. Þessi hópur hittist næst 11. des. En við látum ykkur vita um leið og nýtt SAMPRjÓN fer í gang á næsta ári og þær sem hafa áhuga geta líka skráð sig á lista hjá okkur. Þetta er bæði skemmtilegt og svo kunna margar vel við stuðninginn og jafnvel aðhaldið. Það er samt alls ekki neitt stress og hver prjónar á sínum hraða.

 

Posted with Blogsy

Ferðatöskuverkefnið

Nú er ég farin að setja bútana saman, og er ég nokkuð ánægð með útkomuna. 

Fann gersemar í geymslunni

Við vorum að taka til i geymslunni um helgina, og þar fann ég kassa og í honum voru gersemar sem ég var búin að gleyma.

Þetta púðaver, keypti ég í Hafnarborg þegar Kaffe Fasset var með sýningu þar árið 1996. Og saumaði ég stykkið samviskusamlega, og síðan ekki söguna meir. Nú liggur fyrir að ég klári stykkið og saumi á það bak.
Þess má geta að ég keypti í annan sviðaðan púða í fyrrasumar og er ég með hann í sumarbústaðnum og gríp í hann öðru hvoru.

.

Síðan fann ég þetta garn...undir áhrifum frá Kaffe á þessum árum þá fór ég á prjónanámskeið í Storkinum og lærði ég að prjóna munsturprjón með mörgum litum og prjóna aldrei brugnu umferðina, heldur að prjóna alltaf með réttuna að sér, þessi aðferð hefur nýst mér vel og nota ég hana þónokkuð, en það er af þessu garni að segja að ég keypti mér í peysu..... hef prjónað ermina og síðan ekki meira, ég hef gefist upp, oft hef ég hugsað um þetta garn, því ég man að það kostaði sinn pening, ég hef flutt 2x á þessu tímbili en aldrei litið almennilega í þenna blessaða kassa, en á honum stóð nú samt EKKI HENDA.
Hvað verður um garnið á ég eftir að hugleiða en peysa á mig verður það ekki, heklaðar dúllur t.d í teppi eg held að það gæti orðið úr, það sem ég hef svo mikið af ljósu a móti öllum þessum litum. - sjáum til.

Posted with Blogsy

Saumar

Þegar maður má ekki hekla/prjóna , þá er gott að eiga blokkir sem þarf að klára, þetta gengur hægt, en who cares

Bútasaumur í vinnslu

Ég saumaði saman í haust blokkir í teppi handa mér, batik teppi sem ég keypti í um árið í ferðinni okkar Helgu.
Nú sit ég og handsting niður boga, ég byrjaði að gera það í vélinni, en ákvað að svissa yfir í handstungu, hér eru 2 blokkir, önnur búin og hin langt komin.

Design wall

Það sem mér líkar best í saumaherberginu er veggurinn sem ég hef fyrir ofan strauborðið, ég poppaði það aðeins upp setti ramma utan um.
Nú er nýji jóladúkurinn sem er í vinnslu á veggnum.

Tíglar 1/3 done -tumbling quilt block

Spurning um að fara að setja saman!
Ég hef tekið til hliðar mikið af gömlum efnum og sett í svokallað ferðatöskuverkefni og þegar ég var spurð að því um daginn hvort ég væri búin með þetta ákvað ég að raða niður nokkrum blokkum til að sjá hvað ég væri komin langt, mér sýnist ég þurfa ca 350 blokkir og er ég búin með 200 og á enn fulla körfu af ósamansettum.
This is my tumbling quilt project with some old fabric I have put together in a basket and now is the question do I have  enough for a quilt

UFO

Það er svo gaman að finna eitthvað sem er óklárað og taka það aftur upp eins og þetta hérna,

ég fann þetta í poka bak við hurð í saumaherberginu mínu.

og seinna meir verður þetta eitthvað í þessa áttina - allavega er til nóg af afgöngum.